“Грейгийн амьдралын 50н сүүдэр” өөрийгөө үнэлдэг ямар ч эмэгтэйн Валентиний өдөр үзэх кино биш

Яагаад гэж үү? Үүнийг тайлбарлахын тулд эхлээд уг киноны плоттой хальт танилцья.

  

Хорин хоёр настай коллежийн утга зохиолын оюутан гэнэн цайлган Ана,  27 настай сүпер-царайлаг тэр бумтан Кристиан Грей /охидын жинхэнэ мөрөөдлийн ханхүү/-ээс найзынхаа гуйлгаар ярилцлага авахаар уулзаад улмаар бэлгийн харилцаатай болно. Маш тодорхой Hollywood-н хийсвэрлэл. 

Хэнд ч уйтгартай санагдах болсон энэ плотыг Hollywood нэг л зүйлээр баяжуулан олны сонирхолыг татаж байгаа нь  BDSM хэмээх бэлгийн гажиг хандлагыг энгийн бөгөөд харин ч бүр хүсэл тачаал хангах сайн арга мэтээр харуулдаг.

BDSM  гэдэг нь bondage & Discipline, Domination & Submission, Sadism & Masochism  гэсэн үгнүүдийн товчлол бөгөөд эдгээр нь  хөдөлгөөнгүй хүлж, залхаан шийтгэл үзүүлэн, өөрийн эрхшээлдээ бүрэн оруулан, хурц өвдөлт, доромжлолоор бэлгийн сэрлээ сэргээдэг гаж хандлага юм. Анагаахын ухаанд үүнийг Sexual Sadism Disorder юмуу Sexual Masochism Disorder гэдэг. Нэг төрлийн сэтгэцийн гажиг.

Коллежийн оюутан Анна-г Грей ийм төрлийн харилцаа руу бага багаар уруу татах бөгөөд уг кино нь эмэгтэй хүн иймэрхүү зүйлд үнэндээ дуртай байдаг гэж харуулж байгаа нь бодит үнэнээс хол зөрүүдтэй бөгөөд харин ч олон залуу охидын сониуч зангаараа дээрх маягийн гаж харилцаанд орж үзэхэд өдөөдөг аж. Үнэндээ энэ бүхэн орчин цагийн порно киноны элементүүд бөгөөд огтхон ч шинэ зүйл биш ажээ.

Киноны үйл явдлын турш Грей Аннаг өөрийн эрхэнд оруулах янз бүрийн арга хэрэглэх, цаашлаад түүнийг айлган сүрдүүлэх, түүнд уурлан ширүүн хандах, биеийг нь гутаан доромжлох замаар бэлгийн дур хүслээ хангаж байгаа тухай гарах боловч энэ бүхэнд Аннаг дуртай байгаагаар дүрслэсэн нь орчин үед газар аваад байгаа эмэгтэйчүүдийн эсрэг хүчирхийлэлийг дэмжин, эмэгтэй хүнийг эрэгтэй хүний дур хүслээ хангах обьект төдий болгож харуулж байна.

Киноны турш бэлгийн гаж донтой баян царайлаг залууг сэтгэлзүйн хувьд өрөвдмөөр хүнд донгийн хохирогч бөгөөд Анна түүний хүссэн бүхнийг биелүүснээр  тэр гаж хандлагыг нь эдгээж байгаагаар харуулсан нь бодит амьдралын үнэнд огтхон ч нийцэхгүй бөгөөд харин ч гаж донтой эрэгтэйчүүдийн хүслийг биелүүлэх нь эмэгтэй хүний хийх ёстой зүйл, үүрэг мэт сэтгэгдэл төрүүлж байна.

 Киноны гол дүр болох Кристиан Грейд тоглосон жүжигчин Жамми Дорнан “Улаан өрөөний зураг авалтууд тун хүнд байсан. Заримдаа тэнд бараг ямар ч хувцасгүй Дакотад би эмэгтэй хүнд хэзээч хийхгүй тийм зүйлээ  хийж байгаагаар жүжиглэх хэрэгтэй болсон” гэж Glamour сэтгүүлд өгсөн ярилцлагадаа ярьжээ.

Харин Аннад тоглосон Дакота Жонсон “Зураг авалтын тайзан дээр орноос хүлэгдэн нүцгэн хэвтэх маш стресстэй байдаг” гэж ярьсан нь ямар ч энгийн эмэгтэй хүний хувьд BDSM харилцааны обьект байх хүсэх зүйл биш гэдгийг харуулж байна.

Зүгээр л кино ш дээ. Юун сүртэй юм ганц кино үзээд юу л болов гэж хэмээн зарим нэг нь ярих байх.

Кино BDSM-н гаж бэлгийн харилцааг маш ил задгай харуулдаг бөгөөд нийтэд өгч байгаа гол агуулга нь ийм төрлийн бэлгийн харилцаа нь зугаатай хүчтэй, харин энгийн бэлгийн харилцаа нь уйтгартай хэмээн харуулж байна. Энэ киног үзсэн ямар ч эрэгтэй хүний хувьд “нэг ингэж үзэхсэн” гэсэн сэтгэгдэл төрнө. Хүн киноноос  шинэ сэтгэгдэл, сэдэл авч байдаг. Тиймээс удахгүй нөхөр, эсвэл найз залуу чинь чамаас тийм секс хүсэмжлэх болно гээд боддоо. Тэр хүслийг нь хангаж өгвөл дахиад тийм зүйл хүсэхгүй болдог гэж кино харуулах боловч жинхэнэ амьдрал дээр хүн улам гажиг зүйлийг эрэлхийлж эхлэдэг юм. Архи, хар тамхи хэрэглээд хүн тэр дур хүсэл нь ханадаг гэжүү. Тэгвэл архи, хар тамхи, секс гурав хүний гормон ялгаруулалтанд нөлөөлдөгөөрөө адил тул яг адилхан үр дүнг хүнд өгдөг юм. Эндорфин гэдэг гормоны тухай гүүглээс олоод уншчихаарай.

Эхнэр, найз охин нь тийм зүйл хийхээс татгалзвал (ихэнхи нь мэдээж тийм гаж зүйл хийхээс татгалзана шүү дээ) тэд өөр газраас хайна. Ийм зүйлийг энгийн бүсгүйчүүдээс олж авахгүй тул бэлэн зарагдаж байдагаар нь биеэ үнэлэгчдээс хайна. Мөнгөө төлж байхад ... гэдэг биз дээ. Бие үнэлэгчид ч гэсэн ийм зүйлд эвгүйцэх нь ойлгомжтой тул тэр эрчүүдийн гаж сонирхолыг хүчээр биеэ үнэлүүлж байгаа хүний наймааны хохирогчид л үүрнэ. Ийм л чөтгөрийн тойрог л эргэлдэж эрчээ авч эхлэнэ дээ.

Аан хэнд ашигтай вэ гэж үү.

Юу ч хамаагүй зарж хэдэн сая доллар өвөрлөх Hollywood-д ашигтай. Үнэ цэнээ бүр мөсөн алдсан хүний наймааны хохирогчийг дарамтлан зарах зуучлагч нарт ашигтай. Олон мянган эмэгтэйчүүдийг эрчүүдийн гаж донгийн эрэлтэд зарж байдаг порно киноныхонд аймаар ашигтай.

Гэвч энэ бүхний үр дүнд эмэгтэй хүний үнэ цэнэ унаж, тэдний эсрэг хүчирхийлэл үргэлжилсээр, бага насны охид хөвгүүд бэлгийн хүчирхийлэлийн бай болсоор л байх болно.

Энэ бүх шалтгааны улмаас би энэ киног үзэхгүй

Грейгийн амьдралын 50 сүүдэр хэмээх энэ кино нь эмэгтэй хүний биеийг хүндэлдэг эрчүүдийн хайртай хүнээ дагуулж явах кино биш бас өөрийгөө үнэлдэг бүсгүйн Валинтиний өдрөөр дагаж яваад үздэг кино огт биш.

Тэр хийсвэр дүр болох Кристиан Грейгийн амьдралын 50 сүүдэр надаас л хол өнгөрөг. Би л лав худалдаж авахгүй. #I’mnotbuying.  

Та үгүй гэж хэлэхдээ л тэр бүсгүйд найдвар өгнө.

Таны зүрх сэтгэлийн угт хөөрхийлэлтэй нэгнийг хамгаалах, буруу бүхний засах гүн хүсэл оршиж байдаг. Гэвч та өөрөө ч мэдэлгүйгээр бусдыг хохироож байгаа юм биш биз! Хэрэв тийм бол та хэнийг хэрхэн хохироож буйгаа мэдэхийг хүсэх үү?

Дэлхий даяар өдөр бүр бидний нүднээс далдуур ёрын муу нэгэн үйл хэрэгжсээр... Эмэгтэйчүүд хүүхдүүд мөнгөтэй хүмүүсийн бузар хүсэл тачаалалын боолчлолд зовсоор...

Гэгээхэн зүрх сэтгэлүүд нь хүний зэргээс хасагдаж, үнэт эрх чөлөө нь бусдад худалдагдаж, халуун амь нас нь золиос болон үрэгдсээр...

Ийм бусармаг явдал түүхэнд урд хожид ингэж ихээр дэлгэрч байсангүй. Давшгүй өндөр уул мэт санагдах ийм их харанхуйн эсрэг эгэл нэгэн хүн та юу ч хийж чадах билээ.

Гэвч тулаан хэдийн таны дэргэд хүрээд ирсэн юм биш биз? Өдгөө гэрт чинь ороод ирчихсэн ялалтаа тунхаглаж байвал яана?

Бэлгийн боолчлолыг тэжээж байдаг чухам тэр л бузар зүйл таныг урд шөнө зугаацуулсан юм биш биз?

Порнографи. Сая сая хүний амь, амьдралыг гутаан бузарлаж, устган сүйрүүлдэг хүний наймаа гэгч ёрын муу үйлдвэрлэлийн орох хаалга нь порнографи юм.

Урд чинь дэлгээтэй байгаа зураг, дэлгэцэнд дээрх бүсгүйчүүд амьгүй, зүрх сэтгэлгүй зүйл бишээ.

Зориглон босоод тэднийг хамгаалаач, бууж өгөхөөс татгалзан тэдэнд найдвар өгөөч. Өнгөрсөн бүхэн ард хоцорсон, хэн ч таныг өнгөрсөнөөр чинь одоо буруутган шүүж, ичээн, доромжлохгүй. Өөрийн байр суурийг хамгаалах зүрх сэтгэлийн дуудлага тань байна. Уруу татлагатай нүүр тулахдаа таны өчүүхэн зугаа цэнгэлээс ч үнэтэй зүйл яригдаж байна гэдгийг мэдээч.

Өөрийгөө хамгаалж чадахгүй байгаа тэднийг хамгаалахаар босооч. Эр хүн шиг байгаач. Хэзээ ч давахгүй гэсэн зураасаа тодоос тод зураач.

Таны үгүй гэж хэлэх чинь дөнгөж эхлэл. Өөрчлөлт хийж чадах эсэх чинь эргэлзээтэй байж ч болох юм? Гэвч бүх агуу өөрчлөлтүүд жижиг зүйлээр л хийддэггийг сана.

Та порнод үгүй гэж хэлэхдээ л тэр охидод найдвар авчирна.

Порно үздэг нөхрүүдтэй шулуухан ярихад... 4 хэсэг

эхний хэсгийг энд дарж уншина уу!

хоёр дах хэсгийг энд дарж уншина уу!

гуравдах хэсгийг энд дарж уншина уу!

Нэгэнт алдсан хүн яах ёстой вэ?

Жон Мандевил бусад эрчүүдэд зөвлөн хэлэхдээ “дэлгэцэн дээрх хэдэн пиксэлийн төлөө бүх зүйлээ золиос болгон өргөөд бууж өгөх үү эсвэл хажууд чинь суугаа жинхэнэ эмэгтэй, бодит амьдралын гоо үзэсгэлэнгийн төлөө өөрийгөө зориулах уу? Гэдгээ л сонгох хэрэгтэй болдог” Тэрээр гэргий Шелли рүүгээ хараад “бид хамтдаа энэ шийдвэрийг гаргах хэрэгтэй байдаг.”

Ийм шийдвэрийг гаргахын тулд эрчүүд хаанаас эхлэх хэрэгтэй вэ?

Хариуцлагаа өөрөө хүлээн ав. Эрчүүд ихэвчлэн эхнэрээ хангалттай анхаарал тавьдаггүй гэж буруутгадаг. Мэдээж анхаарал халамж тавьдаггүй эхнэр эрэгтэй хүн бүрийн хувьд хэцүү шүү дээ. Гэвч ийм шалтага хэлэн өөртөө хийсвэр садар самуун байдлыг зөвшөөрөх нь үнэндээ хулчигаруудын л хэрэг. Зөвлөгч Жое Даллас “халамж анхаарал тавьдаггүй, дээрэнгүй эхнэрүүд тэр байдлынхаа төлөө буруутай боловч нөхрийнхөө гэмийн төлөө буруутан болох ёсгүй. Ямар ч эмэгтэй хичнээн харгис байсан ч гэсэн нөхрөө завхайруулах хүчгүй. Тиймээс хэрэв эмэгтэй хүн гэмтэй бол энэ нь түүний л гэм гэхдээ нөхрийнх нь гэмийг түүнд тохоох хэрэггүй” гэж бичжээ.

Эрчүүд ийм шалтагийг хэлэхдээ ихэвчлэн морьнийхоо өмнө тэрэгээ хөллөхтэй адил зүйл хийж байгаа юм. Магадгүй тэр эрчүүдийн өөрсдийнх нь жинхэнэ хайрыг эхлүүлэн эхнэртээ эдлүүлээгүй нь эхнэрийг нь нөхрөө халамжилдаггүй анхаардаггүй болгосон байх нь элбэг байдаг. Мэдээж зарим тохиолдолд тэд мэргэжлийн зөвлөгөө ч авах хэрэгтэй байдаг байх.

Зөвхөн ярих хангалтгүй. Every Man’s Battle ‘Эрэгтэй хүн бүрийн тэмцэл’ номын зохиолч Фред Стоекэр “таны гэр бүлд ‘итгэл’ гэж чухам юу вэ гэдгийг тодорхойлоход эхнэрийнхээ оролцох эрхийг бүрэн хангах ёстой.” Таны эхнэрт таниас юу хэрэгтэй вэ? Түүнид зүгээр нэг уучлалаас ч илүү зүйл хэрэгтэй. өөрийгөө өөрчлөхийн тулд бүх зүйлийг хийж байгааг чинь харах хэрэгцээ түүнд байгаа. Өөрөөс чинь чухам юу харахыг хүсэж байгааг түүнээс асуу. Тэгвэл итгэлцэл эргээд бий болж эхлэдэг.

Тэвчээртэй бай. Порнод татагдсан сонирхол, түүнээс гарах гэж хичээж байгаа зүтгэлийг чинь эхнэр чинь бүрэн ойлгохгүй байж болно гэдгийг санаарай. Ялангуяа таны асуудлыг сонсоод удаагүй байгаа бол эхнэр тань маш их эргэзлээ, сэтгэлийн шарх эдлэж байгаа. Өөрийгөө порногоос бүрэн татаж авахын тулд таньд тэвчээр хэрэгтэй байгаа шиг эхнэртээ мөн тэвчээртэй хандаарай. Эхнэртээ зүй ёсоор эдлэж байгаа сэтгэлийн шархаа илэрхийлэхийг зөвшөөрөөрэй.

Хэн нэгний өмнө нээлтэй бай. Орчин үеийн нэрт сэтгэлзүйч Алвин Күүпэрийн үзэж байгаагаар хүмүүсийг порнод татагдахад гурван хүчин зүйл нөлөөлдөг ажээ. Үүнд: Accessibility-бэлэн байдал, Affordability-хямд үнэ, Anonymity-нэрийн нууцлал гурав багтана. Тэрээр үүнийг “Гурвалсан А-гийн хөдөлгүүр” /Triple A Engine/ гэж нэрлэсэн байна. Яг л гурван хөлтэй сандал шиг нэг хөлийг нь хугалвал бүхлээрээ нуран унах жамтай.

Нэрийн нууцлал нь хугалахад хамгийн амархан нь ажээ. Интэрнэтийн хэрэглээгээ нууц байдлыг бүрэн үгүй болгох нь уруу татлагын ихэнхи хэсгийг үгүй болголлоо гэсэн үг. Бид үүнийг бусдын өмнө нээлттэй байх байдлаар хэрэгжүүлж болно. Интэрнэтийн орчинд хаагуур явж юу үзэж байгаагаа итгэл даах хүнд нээлттэй байлгаж үүгээрээ ариун байх үүргээ гүйцэтгэх тусламж авах хэрэгтэй. Интернетээ бусдад нээлтэй болгодог програм ашиглах нь танд ашигтай байх болно.

Жинхэнэ дотно байдлыг өөрийн эцсийн зорилго болго. Таны гол зорилго “порно үзэхээ болих” төдий зүйл биш ээ. Мэдээж тэр чинь сайн зүйл мөн боловч зүгээр нэг хоосон орон зай л үлдээх болно. Порнографиар олж мэдрэх гэж хичээсэн тэр л зүйл маань бидний гүн зүрхэндээ хайж байгаа зүйл юм шүү дээ. Тэр бол хэн нэгэнтэй дотно байдлыг бий болгох хүсэл эрмэлзэл юм. Эрчүүд гэрлэлтээсээ ийм л зүйлийг эрж хайн тэмцэх ёстой.

Порнографикт алдсан бүхнээ эргүүлэн авахаар тэмц. Хараалын тойргийг эвдээд хий хоосон хийсвэрлэлд живж байгаа энэ цаг үед жинхэнэ бодит янаг дотно байдлын төлөө зогс. “Тиймээс ч бид зураасаа татацгаасан. Юу ч болсон хамаагүй бид зогсоно. Бидний араас ирж байгаа үеийнхэн бидний бүдэрсэн зүйлдээр гүйгээд л гарах болно” гэж Жон Мандивил хэлжээ.



Англи эхийг нь эндээс олж уншаарай.
http://www.covenanteyes.com/2011/05/29/straight-talk-to-husbands-who-watch-porn/

Порно үздэг нөхрүүдтэй шулуухан ярихад... 3 хэсэг

Эхний хэсгийг эндээс уншаарай

Хоёрдах хэсгийг эндээс уншаарай

Би түүнд хангалтгүй гэж үү?

  “Чи нөхртөө хангалтгүй болсон ч юм уу түүнд царайлаг санагдахаа больсон, үзэсгэлэнтэй биш болсон гэсэн үг огт биш гэдгээ эмэгтэйчүүд ойлгох хэрэгтэй” гэж Шелли Мандэвил хэлжээ.

  Гэвч үүнийг хэлэх нь хийхээсээ ч илүү хэцүү. Үүнийг харахын тулд энэ сэдвээр бичигдсэн интэрнэтийн нийтлэлүүд, сэтгэгдэлүүдийг харахад л хангалттай. Олон эмэгтэйчүүд нөхрийнхөө порно донтолтонд өөрийгөө буруутай гэж боддог. өөрийнхөө бэлгийн харилцаандаа мааруухан учраас ийм юм боллоо гэж боддог гэнэ. Тэд өөрсдийгөө илүү царайлаг бөгөөд нөхрийнхөө бэлгийн хэрэгцээнд үргэлж бэлэн байсан бол нөхөр нь порно үзэх гэж яарахгүй байсан хэмээн дүгнэдэг. Эмэгтэйчүүд ийм зүйлийн дараа ихэвичлэн өөрийгөө үнэлэх үнэлэмж нь буурсан байдаг ажээ.

  Гэвч гэр бүл дэх дотно харилцааг порнографиктай харицуулах нь яг л алим жүрж хоёрыг харицуулахтай адил зүйл. Янаг дотно байхын тулд бүтээгдсэн: порно хэрхэн эрчүүдийн тархийг угаадаг вэ гэсэн ном бичсэн доктор Уилиам Стридэрс “өнөөдөр олны хүртээл болж байгаа шиг ийм их порно материал урд өмнө хүн төрөлхтөний түүхэнд байгаагүй юм” гэж хэсэн байдаг. 50 инчийн дэлгэцэн дээр бэлгийн ажил хийж байгаа эмэгтэй хүнийг харахад тархи ийм зүйлийг хүлээн авах зохицолдлогоогүй бүтээгдсэн юм. Учир нь 50 инчинй HD дэлгэцний биетэй эмэгтэй гэж огт байдаггүй шүү дээ.

  Зураг дээрээ хамгийн сайхан харагддаг эмэгтэй хүртэл хийсвэрлэлтэй өрсөлдөх боломжгүй гэдгийг өнөөгийн энгийн таблоидууд ч гэрчилнэ. Хэрэв тийм биш байсан бол Тайгер Воодс хэрхэн усны хувцасны загвар өмсөгч эхнэр Элин Нордэгрэнийг араар нь тавих вэ дээ. Мөн Пэтр Күүк эхнэр Кристий Бринклийрүүгээ очихийн оронд 3000 долларыг интэрнэт порнод үрэх вэ? Яагаад Дэннис Ричардсын нөхөр Чарли Шийн дижитал садар самуунд татагдах бэ?

             

  Энэ бүх асуултын хариу маш энгийн. Хийсвэрлэлд дассан уураг тархинд жинхэнэ бодит амьдрал хичнээн гайхалтай сайхан байсан ч сулбагар санагддаг. Олон эрчүүд уураг тархиа Доктор Стрүдэрсийн нэрлэснээр энэхүү дижитал хар тамхиар хордуулсан байдаг. Зарим эрчүүд бэлгийн харилцааг камерийн тодорхой өнцөгөөс харж байж л сэрэл нь хөдөлдөг болсон байдаг. Зарим нь тодорхой хувийн шинж төрхийг харж байж сэрэл нь хөдөлдөг. Зарим эрчүүдийн хувьд олон өөр эмэгтэйчүүдийн зураг, олон янзын бие цогсийг харж байж л сэрэл нь хөдөлдөг болсон байдаг. Энэхүү хортой зуршил нь бага залуу хүүхдүүдэд хамгийн хүчтэй нөлөөлдөг ажээ.

  Жон Шелли хоёрыг л жишээ болгон хар л даа. Жон анх удаа 10 настайдаа порно үзсэнээ хэзээ ч мартдаггүй. Тэр үеэс л түүний энэ зуршил бий болжээ. Жон хэлэхдээ “12, 13 насандаа, ганц бие хүүхэд өсөж том болоод гэр бүлтэй болохоор энэ зуршил нь үгүй болчихно гэж боддог. Гэвч асуудлын гол нь энэ бүхэн жинхэнэ секс биш харин миний биед дадал болсон хоосон хийсвэрлэл гэдгийг ойлгох хэрэгтэй. Бодит амьдрал бол хийсвэрлэл биш шүү дээ.” Гэжээ.

  Наоми Волф гэгч фэминист зохиолч үүнийг маш тодорхой хэлсэн байдаг. Түүний итгэж байгаагаар порно үзэх нь эрэгтэй хүний бэлгийн дур хүслийн унтраадаг бөгөөд илүү цөөн эмэгтэйчүүдийг порноос илүүд тооцдог болгодог. “хэрхэн жинхэнэ эмэгтэйчүүд кибр орчинд төгөлдөршсөн, ‘татаж’ аваад хүссэн үедээ ‘хаачихаж’ болдог үзэгчийн хүссэн дүрээр дуулгавартай гарч ирдэг эмэгтэйтэй өрсөлдөх билээ дээ. Ямар ч эмэгтэй үүнтэй өрсөлдөж дийлэхгүй шүү дээ. өнөөдөр нүцгэн зогсох жинхэнэ эмэгтэй бол зүгээр л муу порнод л тооцогдоно шүү дээ. 

Үргэлжлэлийг эндээс уншаарай.

Англи эхийг нь эндээс олж уншаарай.

http://www.covenanteyes.com/2011/05/29/straight-talk-to-husbands-who-watch-porn/